يرلاندييالىق ارالاس جەكپە-جەك ٶنەرٸنٸڭ شەبەرٸ, ەكٸ جەڭٸل سالماق ساناتىندا بۇرىنعى ەلەم چەمپيونى كونور ماكگرەگور امەريكالىق دونالد سەررونەنٸ جەڭدٸ, دەپ حابارلايدى "ۇلت اقپارات".
اقش-تىڭ نەۆادا شتاتىنداعى لاس-ۆەگاس قالاسىندا UFC 246 تۋرنيرٸ اياسىندا ٶتكەن 5 راۋندقا جوسپارلانعان جەكپە-جەك العاشقى راۋندتىڭ 40 سەكۋندىندا اياقتالدى. ماكگرەگور قارسىلاسىن تەحنيكالىق نوكاۋتقا جٸبەردٸ. وسىلايشا 31 جاستاعى يرلاندييالىق ٶزٸنٸڭ سپورتتىق مانسابىنداعى 22 جەڭٸسٸنە قول جەتكٸزدٸ.
ايتا كەتەرلٸگٸ, كونور ماكگرەگور 2018 جىلدىڭ قازانىندا رەسەيلٸك حابيب نۋرماگومەدوۆتەن جەڭٸلگەننەن كەيٸن شارشى الاڭعا العاش رەت شىعىپ وتىر.
ال دونالد سەررونە بولسا, بۇعان دەيٸن 36 مەرتە قارسىلاسىن سٷرٸندٸرٸپ, 14-شٸ رەت جەڭٸلٸستٸڭ اششى دەمٸن تاتىپ وتىر.
