Tokio Olimpiadasynda Qazaqstannyń namysyn asa aýyr samaqta qorǵaityn Qamshybek Qońqabaev basty qarsylastary týraly pikir bildirdi, dep habarlaidy "Ult aqparat".
«Birinshiden, bir ǵana ózbek boksshysy emes, odan bólek 15 qarsylas bar. Sondyqtan árqaisysy óte qaýipti. Qudai qalasa, Olimpiadada ózbek boksshysymen kezdesip jatsaq, bul joly jeńiske jetemiz degen senimimiz bar. Bas bapkerimiz Ǵalymbek Qaliuly men jeke bapkerlerim bar. Taktika daiyndadyq. Buiyrtsa esemdi qaitaramyn degen maqsat qoiyp otyrmyn», - dedi sportshy.
Eske salsaq, Dýbaida ótken Aziia chempionatynda Qamshybek Qońqabaev ózbekstandyq ejelgi qarsylasy Bahadúr Jalolovpen kezdesip, 0:5 esebimen utylǵan bolatyn.
Qamshybek Qońqabaev bul Olimpiadaǵa Qazaqstannyń týyn ustaityn eki sportshynyń biri ekenin aitý kerek.
Búgin Tokio Olimpiadasyna baratyn sportshylarmen kezdesken Prezident Qasym-Jomart Toqaev Qazaqstan Respýblikasynyń Memlekettik Týyn alǵash ret eki birdei tý ustaýshyǵa – jeńil atletikadan Olimpiada chempiony Olga Rypakova men bokstan álem chempionatynyń kúmis júldegeri Qamshybek Qońqabaevqa tabystady.
