توكيو وليمپياداسىندا قازاقستاننىڭ نامىسىن اسا اۋىر ساماقتا قورعايتىن قامشىبەك قوڭقاباەۆ باستى قارسىلاستارى تۋرالى پٸكٸر بٸلدٸردٸ, دەپ حابارلايدى "ۇلت اقپارات".
«بٸرٸنشٸدەن, بٸر عانا ٶزبەك بوكسشىسى ەمەس, ودان بٶلەك 15 قارسىلاس بار. سوندىقتان ەرقايسىسى ٶتە قاۋٸپتٸ. قۇداي قالاسا, وليمپيادادا ٶزبەك بوكسشىسىمەن كەزدەسٸپ جاتساق, بۇل جولى جەڭٸسكە جەتەمٸز دەگەن سەنٸمٸمٸز بار. باس باپكەرٸمٸز عالىمبەك قاليۇلى مەن جەكە باپكەرلەرٸم بار. تاكتيكا دايىندادىق. بۇيىرتسا ەسەمدٸ قايتارامىن دەگەن ماقسات قويىپ وتىرمىن», - دەدٸ سپورتشى.
ەسكە سالساق, دۋبايدا ٶتكەن ازييا چەمپيوناتىندا قامشىبەك قوڭقاباەۆ ٶزبەكستاندىق ەجەلگٸ قارسىلاسى باحادٷر جالولوۆپەن كەزدەسٸپ, 0:5 ەسەبٸمەن ۇتىلعان بولاتىن.
قامشىبەك قوڭقاباەۆ بۇل وليمپياداعا قازاقستاننىڭ تۋىن ۇستايتىن ەكٸ سپورتشىنىڭ بٸرٸ ەكەنٸن ايتۋ كەرەك.
بٷگٸن توكيو وليمپياداسىنا باراتىن سپورتشىلارمەن كەزدەسكەن پرەزيدەنت قاسىم-جومارت توقاەۆ قازاقستان رەسپۋبليكاسىنىڭ مەملەكەتتٸك تۋىن العاش رەت ەكٸ بٸردەي تۋ ۇستاۋشىعا – جەڭٸل اتلەتيكادان وليمپيادا چەمپيونى ولگا رىپاكوۆا مەن بوكستان ەلەم چەمپيوناتىنىڭ كٷمٸس جٷلدەگەرٸ قامشىبەك قوڭقاباەۆقا تابىستادى.
