Komitet ázirlegen "Amerikanyń nyǵaiýy jáne ǵalamdyq qaýip-qaterge tótep berý" atty baiandamada Iran, Qytai jáne Resei áreketine qarsy turý amaldary jazylǵan.
Baiandama avtorlary Reseige arnalǵan bólikte Kremldiń agressiialyq áreketin tyiý úshin "tejeý strategiiasyn" qoldanýdy usynǵan. Bul strategiia aiasynda Reseige qatań sanktsiialar paketin qoldaný kózdelgen. Top ókilderi shekteý sharalary Reseidiń munai-gaz aktivteri, syrtqy qaryzyna qarsy baǵyttalýy tiis, Resei terrorizm demeýshisi retinde tanylýy kerek deidi. Olar Resei biliginiń AQSh-ta terroristik uiym dep tanylǵan ""Hezbollah", "HAMAS" jáne "Rýsskoe imperskoe dvijenie" uiymdaryn qarjylandyratynyn aitady.
Sanktsiia aiasynda usynylyp otyrǵan shekteýlerdiń biri - Reseidi halyqaralyq bankter arasynda tranzaktsiia jasaýǵa múmkindik beretin SWIFT júiesinen alyp tastaý. Esep avtorlary buǵan qosa, reseilik Vneshekonombank jáne ózge de birqatar jeke jáne zańdy tulǵalardy sanktsiia tizimine engizýdi usynǵan. Ýkraina men Grýziiany qoldaý qajettigin de aitqan.
Baiandama avtorlarynyń aitýynsha, shekteý sharalaryna Reseidiń Taiaý Shyǵys, Venesýela jáne Ýkrainadaǵy áreketi túrtki bolyp otyr.
Olar buǵan qosa, "Resei halqymen tikelei qatynas ornatý jáne olardyń demokratiia jáne adam quqyǵyn qorǵaýǵa talpynysyn qoldaý" úshin reseilik demokratiiashyl belsendilerdi qoldaý siiaqty jańa amaldar qarastyrýdy usynǵan.
Kreml baspasóz hatshysy Dmitrii Peskov Kreml "mundai josparlardyń tek málimdeme kúiinde qalatynyna" úmit bildiredi dedi. Baiandamada Qytai jáne Iranǵa qarsy qatań shara qoldaný týraly da aitylǵan.
AQSh prezidenti Donald Tramp "Reseimen qarym-qatynasty" jaqsartqysy keletinin birneshe ret málimdegen. Ol prezident Vladimir Pýtindi eshqashan synamaǵan. Degenmen Máskeýge qatań saiasat júrgizip otyrǵanyn alǵa tartady.
