Fýtboldan UEFA Konferentsiia ligasy ekinshi irikteý satysyndaǵy qazaqstandyq komandalar qatysýymen ótken taǵy eki oiynnyń nátijesi belgili boldy, dep habarlaidy QazAqparat.
Alǵashqy kezdesýde Almatynyń «Qairaty» óz alańynda vengriialyq «Kishvarda» komandasyn qabyldady.
Oiyn barysynda eki komanda bir-birine laiyqty qarsylyq kórsetti. Alma-kezek shabýyl jasady, degenmen mol múmkindikti paidalana alǵan joq.
Ekinshi kezeńde vengriialyq komandadan Iasir Asani 82-minýtta gol soǵyp ketti. Osylaisha «Qairat» qarsylasyna 0:1 esebimen ese jiberdi.
Taǵy bir kezdesýde qostanailyq «Tobyly» óz alańynda Gibraltardyń «Linkoln Red Imps» komandasymen sheberlik baiqasty.
Birinshi kezeńde oiyn tizgini negizinen alań ieleriniń qolynda boldy. Kóptegen sátterde qazaqstandyq klýb fýtbolshylaryna dáldik jetispei jatty.
Ekinshi kezeńniń 65-minýtynda «Tobyl» oiynshysy Aibar Jaqsylyqov qarsylastar qaqpashysyn qapy qaldyrdy.
Sondai-aq, 89-minýtta qostanailyq klýbtan Serj Deble esepti ústemelei tústi.
Osylaisha «Tobyl» alǵashqy kezdesýinde qarsylasyn 2:0 esebimen jeńdi.
