فۋتبولدان UEFA كونفەرەنتسييا ليگاسى ەكٸنشٸ ٸرٸكتەۋ ساتىسىنداعى قازاقستاندىق كوماندالار قاتىسۋىمەن ٶتكەن تاعى ەكٸ ويىننىڭ نەتيجەسٸ بەلگٸلٸ بولدى, دەپ حابارلايدى قازاقپارات.
العاشقى كەزدەسۋدە الماتىنىڭ «قايراتى» ٶز الاڭىندا ۆەنگرييالىق «كيشۆاردا» كومانداسىن قابىلدادى.
ويىن بارىسىندا ەكٸ كوماندا بٸر-بٸرٸنە لايىقتى قارسىلىق كٶرسەتتٸ. الما-كەزەك شابۋىل جاسادى, دەگەنمەن مول مٷمكٸندٸكتٸ پايدالانا العان جوق.
ەكٸنشٸ كەزەڭدە ۆەنگرييالىق كوماندادان ياسير اساني 82-مينۋتتا گول سوعىپ كەتتٸ. وسىلايشا «قايرات» قارسىلاسىنا 0:1 ەسەبٸمەن ەسە جٸبەردٸ.
تاعى بٸر كەزدەسۋدە قوستانايلىق «توبىلى» ٶز الاڭىندا گيبرالتاردىڭ «لينكولن رەد يمپس» كومانداسىمەن شەبەرلٸك بايقاستى.
بٸرٸنشٸ كەزەڭدە ويىن تٸزگٸنٸ نەگٸزٸنەن الاڭ يەلەرٸنٸڭ قولىندا بولدى. كٶپتەگەن سەتتەردە قازاقستاندىق كلۋب فۋتبولشىلارىنا دەلدٸك جەتٸسپەي جاتتى.
ەكٸنشٸ كەزەڭنٸڭ 65-مينۋتىندا «توبىل» ويىنشىسى ايبار جاقسىلىقوۆ قارسىلاستار قاقپاشىسىن قاپى قالدىردى.
سونداي-اق, 89-مينۋتتا قوستانايلىق كلۋبتان سەرج دەبلە ەسەپتٸ ٷستەمەلەي تٷستٸ.
وسىلايشا «توبىل» العاشقى كەزدەسۋٸندە قارسىلاسىن 2:0 ەسەبٸمەن جەڭدٸ.
