10 tamyzda UEFA Konferentsiia ligasy úshinshi irikteý satysynda qaraǵandylyq «Shahter» komandasynyń Ýkrainanyń «Kolos» komandasymen aradaǵy qarymta oiyn aiaqtaldy, dep habarlaidy "Ult aqparat".
Birinshi kezeńde komandalar shabýylǵa kóbirek kóńil bóldi. Ýkrainalyq fýtbolshylar jyldam soǵý múmkindigin izdedi. Dese de qazaqstandyq klýb olarǵa laiyqty toitarys berdi. Endigi bir sátterde qaraǵandylyq fýtboshylar alǵa qarai umtyldy.
Eske salsaq, eki klýb arasyndaǵy alǵashqy kezdesý 0:0 esebimen aiaqtalǵan bolatyn. Sondyqtan búgin eki komandanyń biri jeńiske jetýi tiis edi.
Ekinshi kezeńde de komandalar shabýyldy arttyra tústi. Osy maqsatta qazaqstandyq shabýylshylar Aidos Táttibaev pen Oralhan Ómirtaev alańǵa shyqty.
Negizgi kezeńde esep ashylǵan joq. Esep 0:0. Qosymsha kezeńde de qarsylastar bir-biriniń qaqpasynan sańylaý taba almady. Penalti tebýde «Shahterdiń» joly bolyp, plei-off satysyna joldama aldy.
Bul juptyń jeńimpazy plei-off satysynda «Makkabi Tel-Aviv» (Izrail) pen «Spartak Trnava» (Slovakiia) jubynyń jeńimpazymen kezdesedi.
Aita keteiik, «Shahter» ekinshi irikteý satysynda Rýmyniianyń FKSB (burynǵy ataýy «Stiaýa») klýbyn (0:1, 2:1, penaltiden 5:3) jeńdi.
