10 تامىزدا UEFA كونفەرەنتسييا ليگاسى ٷشٸنشٸ ٸرٸكتەۋ ساتىسىندا قاراعاندىلىق «شاحتەر» كومانداسىنىڭ ۋكراينانىڭ «كولوس» كومانداسىمەن اراداعى قارىمتا ويىن اياقتالدى, دەپ حابارلايدى "ۇلت اقپارات".
بٸرٸنشٸ كەزەڭدە كوماندالار شابۋىلعا كٶبٸرەك كٶڭٸل بٶلدٸ. ۋكراينالىق فۋتبولشىلار جىلدام سوعۋ مٷمكٸندٸگٸن ٸزدەدٸ. دەسە دە قازاقستاندىق كلۋب ولارعا لايىقتى تويتارىس بەردٸ. ەندٸگٸ بٸر سەتتەردە قاراعاندىلىق فۋتبوشىلار العا قاراي ۇمتىلدى.
ەسكە سالساق, ەكٸ كلۋب اراسىنداعى العاشقى كەزدەسۋ 0:0 ەسەبٸمەن اياقتالعان بولاتىن. سوندىقتان بٷگٸن ەكٸ كوماندانىڭ بٸرٸ جەڭٸسكە جەتۋٸ تيٸس ەدٸ.
ەكٸنشٸ كەزەڭدە دە كوماندالار شابۋىلدى ارتتىرا تٷستٸ. وسى ماقساتتا قازاقستاندىق شابۋىلشىلار ايدوس تەتتٸباەۆ پەن ورالحان ٶمٸرتاەۆ الاڭعا شىقتى.
نەگٸزگٸ كەزەڭدە ەسەپ اشىلعان جوق. ەسەپ 0:0. قوسىمشا كەزەڭدە دە قارسىلاستار بٸر-بٸرٸنٸڭ قاقپاسىنان ساڭىلاۋ تابا المادى. پەنالتي تەبۋدە «شاحتەردٸڭ» جولى بولىپ, پلەي-وفف ساتىسىنا جولداما الدى.
بۇل جۇپتىڭ جەڭٸمپازى پلەي-وفف ساتىسىندا «ماككابي تەل-اۆيۆ» (يزرايل) پەن «سپارتاك ترناۆا» (سلوۆاكييا) جۇبىنىڭ جەڭٸمپازىمەن كەزدەسەدٸ.
ايتا كەتەيٸك, «شاحتەر» ەكٸنشٸ ٸرٸكتەۋ ساتىسىندا رۋمىنييانىڭ فكسب (بۇرىنعى اتاۋى «ستياۋا») كلۋبىن (0:1, 2:1, پەنالتيدەن 5:3) جەڭدٸ.
