UEFA Konferentsiia ligasynyń úshinshi irikteý satysynda qazaqstandyq klýbtardyń qatysýymen ótken taǵy eki oiynnyń nátijesi belgili boldy, dep habarlaidy "Ult aqparat".
Qostanaidyń «Tobyly» elordada Slovakiianyń «Jilina» komandasyn qabyldady. Bul kezdesý tartysty órbidi.
«Jilina» sapynan 27-minýtta Miroslav Gono esep ashty. Degenmen odan keiin qazaqstandyq klýb tarazy basyn teńestirýge umtyldy.
Atalǵan klýb 1908 jyly qurylǵan. Óz elinde jeti márte chempion atandy. Sońǵy ret bul ataqqa 2017 jyly qol jetkizdi. Byltyr kúmis júldeger boldy. 2010/11 jylǵy kezeńde Chempiondar ligasy toptyq kezeńinde oiyn kórsetti.
Kezdesýde «Tobyl» qarsylasyna 0:1 esebimen ese jiberdi.
Taǵy bir kezdesýde elordalyq «Astana» syrt alańda Finliandiianyń KýPS klýbymen sheberlik baiqasty. Atalǵan kezdesýde alań ieleri qatarynan Anekpeno Ýdo 54-minýtta mergendik tanytty.
Oiynnyń 94-minýtynda elordalyq klýbtan Eneo Bitri tarazy basyn teńestirip ketti.
Kezdesý 1:1 esebimen teń aiaqtaldy.
KýPS klýby 1923 jyly qurylǵan. Finliandiianyń alty dúrkin chempiony. Sońǵy márte 2019 jyly altynnan alqa taqty.
Qarymta kezdesý 12 tamyzǵa belgilengen.
