UEFA كونفەرەنتسييا ليگاسىنىڭ ٷشٸنشٸ ٸرٸكتەۋ ساتىسىندا قازاقستاندىق كلۋبتاردىڭ قاتىسۋىمەن ٶتكەن تاعى ەكٸ ويىننىڭ نەتيجەسٸ بەلگٸلٸ بولدى, دەپ حابارلايدى "ۇلت اقپارات".
قوستانايدىڭ «توبىلى» ەلوردادا سلوۆاكييانىڭ «جيلينا» كومانداسىن قابىلدادى. بۇل كەزدەسۋ تارتىستى ٶربٸدٸ.
«جيلينا» ساپىنان 27-مينۋتتا ميروسلاۆ گونو ەسەپ اشتى. دەگەنمەن ودان كەيٸن قازاقستاندىق كلۋب تارازى باسىن تەڭەستٸرۋگە ۇمتىلدى.
اتالعان كلۋب 1908 جىلى قۇرىلعان. ٶز ەلٸندە جەتٸ مەرتە چەمپيون اتاندى. سوڭعى رەت بۇل اتاققا 2017 جىلى قول جەتكٸزدٸ. بىلتىر كٷمٸس جٷلدەگەر بولدى. 2010/11 جىلعى كەزەڭدە چەمپيوندار ليگاسى توپتىق كەزەڭٸندە ويىن كٶرسەتتٸ.
كەزدەسۋدە «توبىل» قارسىلاسىنا 0:1 ەسەبٸمەن ەسە جٸبەردٸ.
تاعى بٸر كەزدەسۋدە ەلوردالىق «استانا» سىرت الاڭدا فينلياندييانىڭ كۋپس كلۋبىمەن شەبەرلٸك بايقاستى. اتالعان كەزدەسۋدە الاڭ يەلەرٸ قاتارىنان انەكپەنو ۋدو 54-مينۋتتا مەرگەندٸك تانىتتى.
ويىننىڭ 94-مينۋتىندا ەلوردالىق كلۋبتان ەنەو بيتري تارازى باسىن تەڭەستٸرٸپ كەتتٸ.
كەزدەسۋ 1:1 ەسەبٸمەن تەڭ اياقتالدى.
كۋپس كلۋبى 1923 جىلى قۇرىلعان. فينلياندييانىڭ التى دٷركٸن چەمپيونى. سوڭعى مەرتە 2019 جىلى التىننان القا تاقتى.
قارىمتا كەزدەسۋ 12 تامىزعا بەلگٸلەنگەن.
