Foto: Aqorda
Iran arhivinen tabylǵan qazaqqa qatysty kóne qoljazbalar alǵash ret kópshilikke kórsetildi, dep habarlaidy Ult.kz.
Qazaqstan Prezidenti Qasym-Jomart Toqaev pen Iran Prezidenti Masýd Pezeshkian Iran Syrtqy ister ministrliginiń muraǵatynda saqtalǵan qazaq tarihyna qatysty biregei qujattar kórmesin tamashalady. Kórmede XVIII–XIX ǵasyrlarda qazaq dalasynda bolǵan qoǵamdyq-saiasi oqiǵalardy sipattaityn 27 kóne qoljazbanyń kóshirmesi qoiyldy.
Bul jádigerler — eki halyq arasyndaǵy tereń tarihi bailanystyń taǵy bir dáleli. Buǵan deiin ǵylymi ainalymda bolmaǵan birqatar derek alǵash ret jariialanyp otyr.
Memleket basshysy qundy materialdar úshin irandyq tarapqa rizashylyǵyn bildirdi.
– Bul – asa qundy syilyq. Bul kórmeni qazaq jurtshylyǵyna mindetti túrde kórsetemiz, BAQ arqyly keńinen tanystyramyz. Ishinde buryn belgisiz bolǵan derekter bar eken. Halqymyz úshin óte paidaly bolady dep oilaimyn, – dedi Qasym-Jomart Toqaev.
