Almatyda Rixos qonaq úiiniń aldynda jappai fotosessiia uiymdastyrýshysyna 30 AEK kóleminde aiyppul salyndy, "Ult aqparat".
Buǵan deiin jelide Rixos qonaq úiiniń aldynda qara kostiým kigen kóp adamnyń sýretke túsip jatqany kórsetilgen video taraǵan edi.
«Nelikten olar úshin karantin joq?», - dep renishin bildiredi video avtory.
«Shekteý sharalaryn buzǵan uiymdastyrýshy – ortalyq Sinagoga. Ol dini is-shara uiymdastyrǵan. Bul rette eshqandai ótinim bolmaǵan. Atalǵan mekemeniń basshysyna qatysty zańǵa sáikes 30 AEK (87 510 teńge) kóleminde ákimshilik yqpal etý sharasy qoldanyldy», - dep jaýap berdi qalalyq sanitarlyq-epidemiologiialyq baqylaý departamenti basshysynyń orynbasary Ásel Qalyqova.
Onyń aitýynsha, qonaqúidiń ózi shekteý sharalaryn buzbaǵan.
«Qonaqúi ishinde eshqandai shara bolmaǵan. Olar tek syrtynda sýretke túsken. Bul bizge usynylǵan materialdarǵa negizdelgen. Al qonaqúi basshylyǵy bul týraly bilmegen», - dep qosty sanitar dáriger.
