Foto: Pexels.com
Qazirgi tańda Qonaev qalasynda bes oiynhana men úsh oiyn avtomat zaly jumys istep tur. Qalalyq ákimdik málimetine sáikes, bul salada 2 306 adam eńbek etýde, olardyń 90%-y jergilikti turǵyndar, dep habarlaidy Kazinform HAA.
«Salyq jáne biýdjetke tólenetin basqa da mindetti tólemder týraly» Kodekstiń 557-babyna sáikes, oiynhanalardyń kirisi salyqtyq qupiia bolyp sanalady. 2023 jyly oiynhanalar men oiyn avtomat zaldarynan túsken salyq 46,4 milliard teńgege jetse, osy jyldyń 9 aiynda 11,9 milliard teńge túsken», – dep málimdedi qala ákiminiń orynbasary Tólegen Kenjebekov.
Sonymen qatar, ol oiynhanalar men basqa da oiyn biznesi sýbektilerin basqa aimaqtarǵa kóshirý nemese jabý josparlary týraly aitty. Qazaqstannyń «Oiyn biznesi týraly» zańyna sáikes, oiyn biznesi nysandary Aqmola oblysynyń Býrabai aýdanynda jáne Almaty oblysyndaǵy Qapshaǵai sý qoimasy jaǵalaýynda ornalasýy tiis.
«Oiyn biznesi sýbektileriniń ornalasqan jerin basqa ákimshilik-aýmaqtyq birlikke kóshirýdi ýákiletti organ aiqyndaidy», – dedi Kenjebekov.
Onyń aitýynsha, jergilikti bilik oiynǵa táýeldi azamattardy esepke almaidy, biraq máseleniń aldyn alý sharalary turaqty túrde júrgizilip keledi.
Aita keteiik, byltyr Almaty oblysynyń ákimi Marat Sultanǵaziev oiynhanalarǵa kirý úshin qomaqty qarjy qajet ekenin jáne belgili bir tulǵaǵa qatysty týystary nemese quqyq qorǵaý organdary ótinim berse, olardyń oiynhanaǵa kirgizilmeitinin atap ótken edi.
