فوتو: Pexels.com
قازٸرگٸ تاڭدا قوناەۆ قالاسىندا بەس ويىنحانا مەن ٷش ويىن اۆتومات زالى جۇمىس ٸستەپ تۇر. قالالىق ەكٸمدٸك مەلٸمەتٸنە سەيكەس, بۇل سالادا 2 306 ادام ەڭبەك ەتۋدە, ولاردىڭ 90%-ى جەرگٸلٸكتٸ تۇرعىندار, دەپ حابارلايدى Kazinform حاا.
«سالىق جەنە بيۋدجەتكە تٶلەنەتٸن باسقا دا مٸندەتتٸ تٶلەمدەر تۋرالى» كودەكستٸڭ 557-بابىنا سەيكەس, ويىنحانالاردىڭ كٸرٸسٸ سالىقتىق قۇپييا بولىپ سانالادى. 2023 جىلى ويىنحانالار مەن ويىن اۆتومات زالدارىنان تٷسكەن سالىق 46,4 ميلليارد تەڭگەگە جەتسە, وسى جىلدىڭ 9 ايىندا 11,9 ميلليارد تەڭگە تٷسكەن», – دەپ مەلٸمدەدٸ قالا ەكٸمٸنٸڭ ورىنباسارى تٶلەگەن كەنجەبەكوۆ.
سونىمەن قاتار, ول ويىنحانالار مەن باسقا دا ويىن بيزنەسٸ سۋبەكتٸلەرٸن باسقا ايماقتارعا كٶشٸرۋ نەمەسە جابۋ جوسپارلارى تۋرالى ايتتى. قازاقستاننىڭ «ويىن بيزنەسٸ تۋرالى» زاڭىنا سەيكەس, ويىن بيزنەسٸ نىساندارى اقمولا وبلىسىنىڭ بۋراباي اۋدانىندا جەنە الماتى وبلىسىنداعى قاپشاعاي سۋ قويماسى جاعالاۋىندا ورنالاسۋى تيٸس.
«ويىن بيزنەسٸ سۋبەكتٸلەرٸنٸڭ ورنالاسقان جەرٸن باسقا ەكٸمشٸلٸك-اۋماقتىق بٸرلٸككە كٶشٸرۋدٸ ۋەكٸلەتتٸ ورگان ايقىندايدى», – دەدٸ كەنجەبەكوۆ.
ونىڭ ايتۋىنشا, جەرگٸلٸكتٸ بيلٸك ويىنعا تەۋەلدٸ ازاماتتاردى ەسەپكە المايدى, بٸراق مەسەلەنٸڭ الدىن الۋ شارالارى تۇراقتى تٷردە جٷرگٸزٸلٸپ كەلەدٸ.
ايتا كەتەيٸك, بىلتىر الماتى وبلىسىنىڭ ەكٸمٸ مارات سۇلتانعازيەۆ ويىنحانالارعا كٸرۋ ٷشٸن قوماقتى قارجى قاجەت ەكەنٸن جەنە بەلگٸلٸ بٸر تۇلعاعا قاتىستى تۋىستارى نەمەسە قۇقىق قورعاۋ ورگاندارى ٶتٸنٸم بەرسە, ولاردىڭ ويىنحاناعا كٸرگٸزٸلمەيتٸنٸن اتاپ ٶتكەن ەدٸ.
