Foto: Qonaev qalasy ákiminiń baspasóz qyzmeti
Áleýmettik jelide Qonaev qalasynda jalpy aýmaǵy 7.12 gektar bolatyn jer qytailyqtarǵa berildi degen aqparat tarady. Jergilikti ákimdik jaǵdaidy túsindirdi.
«Tarqatyp aitsaq, «Jibek joly» JShS №8 jaǵajaidy abattandyrý jobasyn qolǵa alyp, investitsiia quimaq niette. Bul jerdiń kólemi 7.9 gektar. Dál sol jaǵajaidyń qasyndaǵy 7.12 aýmaqty alyp jatqan ýchaske, iaǵni, №7 jaǵajaidyń bir bóligi invest jobanyń quramyna kirip otyr. Jalpy aýmaǵy 15 ga jaǵalaý attraktsiondar parkine ainalmaq»,- dep atap ótti ákimdikten.
Qazir №7 qalalyq jaǵajaida 40-tan astam kásipker qyzmet etedi. Olar dámhana, tapshan, shatyrlardy memleketten jalǵa alyp otyr. Mundaǵy 2 biznes oryn atalǵan investjobanyń quramyna engen.
«Kásipkerler biylǵy shomylý maýsymy bitkenshe jumys isteitin bolady. Qazirgi tańda qos tarapqa ońtaily sheshim shyǵarý baǵytyndaǵy jumys júrip jatyr. Mysaly, búgin Qonaev qalasynyń ákimi Ashat Berdihanov kásipkerlermen kezdesip, mán-jaidy túsindirdi»,- delingen habarlamada.
Onyń aitýynsha, qalanyń bekitilgen Bas josparyna sáikes, shahardaǵy 9 jaǵajaidy da abattandyrý kózdelip otyr. Biyl zamanaýi stilde jasalǵan №5 jaǵajai qoldanysqa berildi.
