Politsiia úi tazalaityn qyzmetkerlerdi kómekke shaqyryp, olarǵa zorlyq kórsetti degen kúdikke ilingen er adamdy qolǵa túsirdi, - dep habarlaidy Tengrinews.kz.
Bul týraly Almaty oblystyq Politsiia departamenti bastyǵynyń orynbasary Rústem Ábdirahmanov óziniń Instagram-daǵy paraqshasynda jazdy.
Qonaev politsiiasyna eki jergilikti turǵynnan aryz túsken. Áielderdiń aitýynsha, beitanys er adam olarǵa zorlyq kórsetken.
"Birinshi jaǵdaida kúdikti 40 jastaǵy áieldi úi tazalaýǵa kómekke shaqyrǵan. Keiin oǵan shabýyl jasap, ony erkinen tys jynystyq qatynasqa májbúrlegen. Ekinshi oqiǵada 41 jastaǵy áiel kúdiktiniń qurbanyna ainala jazdady", - delingen habarlamada.
Jábirlenýshiler shabýyl jasaǵan kezde kúdiktiniń esirtkige mas kúide bolǵanyn aitqan.
Atalǵan derek QK-tiń 120-babyna (Zorlaý) sáikes tirkelip, kúdikti qamaýǵa alyndy. Qazirgi ýaqytta qajetti saraptamalar taǵaiyndalyp, tergeý amaldary júrgizilip jatyr.
