Foto: QR MAM
Qonaev qalasynda «Kenjem qaida?» kórkem filminiń túsirilimi júrip jatyr. Dástúr boiynsha túsirilim «tárelke syndyrý» rásimimen bastaldy, dep habarlaidy Ult.kz.
Film – ótken jylǵy pitching nátijesinde memlekettik qoldaýǵa ie bolǵan jobalardyń biri. Kartina avtory – «Igrok», «Chernyi dvor», «Prigovor» siiaqty áleýmettik taqyryptaǵy filmderimen tanylǵan jas rejisser Dias Bertis (Qulmaqov). Rejisserdiń aitýynsha, bul týyndy otbasy ishindegi aitylmaǵan syrlar men adam janyndaǵy jaralardy kórkem tilmen jetkizýdi maqsat etedi.
«Kenjem qaida?» filmi taǵdyr synynan ótken jalǵyzbasty ana Gúlnázdyń oqiǵasyn baiandaidy. Filmde keiipkerdiń ulyn joǵaltqan sátten bastap búkil otbasynyń betperdesi sypyrylyp, kóp jyldar boiy jinalǵan únsizdik pen jasyryn syrlar ashyla bastaidy. Bul – detektiv elementteri bar psihologiialyq drama.
Ulttyq kinony qoldaý ortalyǵynyń basqarma tóraǵasy Qurmanbek Jumaǵalidiń aitýynsha, Mádeniet jáne aqparat ministrligi, Ulttyq kinony qoldaý ortalyǵynyń tarapynan ideologiialyq mańyzy bar taqyryptarǵa basymdyq beriledi. Óitkeni kino tek óner emes, ol – ideologiia quraly. Sol sebepti otbasylyq qundylyqtar, urpaq tárbiesi, jaýapkershilik pen rýhani sabaqtastyq sekildi máselelerdi kóteretin jobalar qashanda mańyzdy. «Kenjem qaida?» filmi – dál osyndai ózekti taqyrypty qozǵaityn týyndy.
Aita keteiik, biyl Ulttyq kinony qoldaý ortalyǵynyń qoldaýymen 16 film túsirilýde. Olardyń qatarynda «Búrkitshi», «Trevojnaia noch», «Dni», «38», «Saǵyndym seni», «Muǵalim», «Komanda A», «Jibek», «Pobeditelei vidno na starte» jáne t.b. filmder bar.
