Foto: Bugin.kz
Qazaqstannyń eńbek sińirgen óner qairatkeri, Halyq qaharmany, daryndy kompozitor ári dirijer Nurǵisa Tilendievtiń týǵanyna búgin 100 jyl toldy, dep habarlaidy Ult.kz.
Kórnekti kúishi 1925 jyly 1 sáýirde Almaty oblysy Ile óńirinde dúniege kelgen.
Ár jyldary Abai atyndaǵy Qazaq memlekettik akademiialyq opera jáne balet teatrynyń jetekshi dirijeri, Qazaqtyń halyq aspaptar orkestriniń bas jetekshisi, Qazaqfilm stýdiiasynyń mýzyka redaktsiiasynda bas redaktor, al 1981 jyldan bastap "Otyrar sazy" folklorlyq-etnografiialyq ansambliniń negizin qalaýshy ári kórkemdik jetekshisi qyzmetterin atqardy.
Ol Q.Qojamiiarovpen birlese otyryp "Altyn taýlar" operasyn, L.Stepanovpen birge "Dostyq jolymen" baletin, sondai-aq "Orteke" balet-poemasyn, "Meniń Qazaqstanym" kantatasyn, orkestrge arnalǵan "Poema", "Ata tolǵaýy", "Aqsaq qulan", "Aqqý", "Arman", "Mahambet", "Kósh kerýen" shyǵarmalaryn jáne "Halyq qýanyshy", "Qairat", "Jeńis saltanaty" atty ývertiýralardy dúniege ákeldi. Ol 400-ge jýyq án men romanstyń avtory.
Sonymen qatar, 50-den asa dramalyq qoiylymǵa, 19 kórkem filmge, 17 animatsiialyq filmge jáne 14 derekti-hronikalyq kinotýyndyǵa áýen jazǵan.
Óner áleminde óshpes iz qaldyrǵan qairatker eki márte Eńbek Qyzyl Tý ordenimen marapattalǵan.
