Qazaqqa qanshama qasiret alyp kelgen kommýnisterdiń "qarǵybaýly tóbetteri" bolǵan komsomoldar bas kóterip jatyr. Komsomoldyń 100 jyldyǵyn Abai atyndaǵy opera jáne balet teatrynda aiqailap turyp atap ótti.
Eń soraqysy, olar osy máseleni QR ǴA Filosofiia jáne politologiia institýtynda jinalyp, talqylapty. Al osy institýt Alash qozǵalysynyń 100 jyldyǵyna orai "áý" depti me eken?
Kommýnizm ideologiiasy HH ǵasyrdaǵy eń qanquily ideologiia bolyp, adamzatqa, sonyń ishinde qazaqqa zor qasiret alyp kelgeni ǵylymi turǵydan dáleldengen. Sóitip kelip, kommýnisterdiń jandaishaptary bolǵan komsomoldyń 100 jyldyǵyn dúrkiretip turyp atap ótýge tyrashtaný - baryp turǵan satqyndyq!
Bul - armandary QAZAQTYŃ ULTTYQ MEMLEKETIN qurý bolǵan ALASh ARYSTARYNYŃ ÁRÝAQTARYNA túkirý bolyp ta tabylady.
Sondyqtan da, ózin ULTShYLMYN dep sanaityn barlyq qazaqtar bul shabashtyń ótýine qarsy. Ol úshin eń aldymen Qýanysh Sultanovpen kezdesip, saiasi qatelik jasap otyrǵanyn túsindirýimiz kerek. Túsine almasa (túsingisi kelmese), basqa da áreketterge baratynymyzdy eskertýimiz kerek. Kommýnistik ideologiia kúiregennen keiin 27 jyl ótken soń Almatynyń tórinde komsomoldardy tairańdatyp qoiý, ultshyldyǵymyzǵa syn.
Naǵyz toilaǵylary kelip ólip bara jatqandar bolsa, onda tósekterinde áielderimen toilasyn, as úilerinde otbasylarymen toilasyn, úileriniń qasyndaǵy kafede dostarymen toilasyn, meiramhanada jaqtastarymen toilasyn.
Qazaqtyń qasietti Teatrynda komsomoldardyń tairańdaǵandary ókinishti!
Naǵashybai Esmyrzanyń feisbýktaǵy jazbasynan
