Qazaqstan kommýnistik halyq partiiasynyń ataýy ózgerip, rebrending jasaldy. Endi QKHP «Qazaqstannyń halyq partiiasy» dep atalatyn bolady, dep habarlaidy "Ult aqparat".
«Biz biyl partiiamyzdyń ataýyn ózgertip, rebrending jasaýdy jón kórdik. Búgingi partiianyń kezekten tys XV seziniń basty jańalyǵy, bizdiń partiiamyzdyń ataýynyń «Qazaqstannyń halyq partiiasy» bolyp ózgerýi. Bul degenimiz kommýnistik ideologiiadan ketý degen sóz emes, bizdiń elimizdegi áleýmettik máselelerge kóp mán berýimizben bailanysty. Elimizdegi sheshilýi tiis máselelerdiń kóbi áleýmettik salamen bailanysty. Taǵy bir partiia músheleriniń qataryn keńeitý, baǵdarlamamyzdyń aiasyn keńeitýdi kózdeimiz. Sondai-aq, biz partiialardyń qatarynda joq, biraq ózindik ideialary bar azamattardy óz partiiamyzǵa shaqyramyz», - dedi QKHP-nyń hatshysy Jambyl Ahmetbekov.
Aita keteiik, elordada Qazaqstan kommýnistik halyq partiiasynyń kezekten tys XV sezi ótip jatyr.
