Elimizdiń ońtústik aimaqtaryna kómir jetkizýdiń keshigý sebebi belgili boldy, dep habarlaidy QazAqparat.
«Biyl 9 aida kómirdi tieý ótken jylmen salystyrǵanda 4% ósip, 76,6 mln tonnany qurady. Otandyq tutynýshylar úshin 53,5 mln tonna kómir tasymaldandy, bul ótken jyldyń 9 aiymen salystyrǵan 2% kóp. Onyń ishinde 47,4 mln tonna kómir JEO-larǵa jetkizilse, qalǵan 6,1 mln tonnasy turǵyndarǵa taratyldy», - dedi «Qazaqstan temir joly «Júk tasymaly» JShS bas direktorynyń orynbasary Qanat Kóbesov «Samuryq-Qazyna» AQ alańynda onlain ótken baspasóz máslihatynda.
Sondai-aq, QTJ ókili elimizdiń keibir aimaqtaryna kómir jetkizýdiń keshigý sebebin atady.
«Aldymen kómirmen JEO men turǵyndar qajettiligi óteledi. Jospardan sál artta qalýymyzdyń sebebi, elimizdiń ońtústik óńirleri kómirdi jetkizýge endi ótinim bere bastaýymen bailanysty. Sol sebepten jospardan 10 paiyzǵa qalyp kelemiz. Óitkeni, ońtústik óńirlerde salystyrmaly túrde aýa raiy áli de jyly. Al soltústik óńirler kommýnaldyq-turmystyq kómirmen tolyq qamtamasyz etilgen», - deidi ol.
