ەلٸمٸزدٸڭ وڭتٷستٸك ايماقتارىنا كٶمٸر جەتكٸزۋدٸڭ كەشٸگۋ سەبەبٸ بەلگٸلٸ بولدى, دەپ حابارلايدى قازاقپارات.
«بيىل 9 ايدا كٶمٸردٸ تيەۋ ٶتكەن جىلمەن سالىستىرعاندا 4% ٶسٸپ, 76,6 ملن توننانى قۇرادى. وتاندىق تۇتىنۋشىلار ٷشٸن 53,5 ملن توننا كٶمٸر تاسىمالداندى, بۇل ٶتكەن جىلدىڭ 9 ايىمەن سالىستىرعان 2% كٶپ. ونىڭ ٸشٸندە 47,4 ملن توننا كٶمٸر جەو-لارعا جەتكٸزٸلسە, قالعان 6,1 ملن تونناسى تۇرعىندارعا تاراتىلدى», - دەدٸ «قازاقستان تەمٸر جولى «جٷك تاسىمالى» جشس باس ديرەكتورىنىڭ ورىنباسارى قانات كٶبەسوۆ «سامۇرىق-قازىنا» اق الاڭىندا ونلاين ٶتكەن باسپاسٶز مەسليحاتىندا.
سونداي-اق, قتج ٶكٸلٸ ەلٸمٸزدٸڭ كەيبٸر ايماقتارىنا كٶمٸر جەتكٸزۋدٸڭ كەشٸگۋ سەبەبٸن اتادى.
«الدىمەن كٶمٸرمەن جەو مەن تۇرعىندار قاجەتتٸلٸگٸ ٶتەلەدٸ. جوسپاردان سەل ارتتا قالۋىمىزدىڭ سەبەبٸ, ەلٸمٸزدٸڭ وڭتٷستٸك ٶڭٸرلەرٸ كٶمٸردٸ جەتكٸزۋگە ەندٸ ٶتٸنٸم بەرە باستاۋىمەن بايلانىستى. سول سەبەپتەن جوسپاردان 10 پايىزعا قالىپ كەلەمٸز. ٶيتكەنٸ, وڭتٷستٸك ٶڭٸرلەردە سالىستىرمالى تٷردە اۋا رايى ەلٸ دە جىلى. ال سولتٷستٸك ٶڭٸرلەر كوممۋنالدىق-تۇرمىستىق كٶمٸرمەن تولىق قامتاماسىز ەتٸلگەن», - دەيدٸ ول.
