Braziliia fýtbolshylary mingen ushaq qulaǵan Kolýmbiianyń Antokiia aimaǵynan aman qalǵandar tabyldy. Bul týraly 360 Radio Colombia radiostantsiiasynyń Twitter paraqshasynda habarlanǵan. Rionegro qalasynyń bilik ókilderiniń málimetinshe, jergilikti aýrýhanalarǵa 10 adam jetkizilgen, - dep habarlaidy Lenta.ru.
Munyń aldynda ushaqta bolǵan jolaýshylardyń barlyǵy mert boldy dep habarlanǵan eken.
Naqtylanǵan aqparat boiynsha, ushaq bortynda 81 adam bolǵan, sonyń ishinde ekipaj músheleri de bar. Jolaýshylar arasynda braziliialyq "Shapekoense" klýbynyń fýtbolshylary men qyzmetkerleri bolǵan. Olar Medelinge Ońtústik amerikalyq kýboktyń alǵashqy finaldyq matchyna qatysý úshin ushyp bara jatqan.
Aldyn ala málimet boiynsha, Boliviiadan ushqan bort komandiri Medelin dispetcherlerine janarmaidyń jetpeitindigin habarlaǵan. Oǵan qoný basymdyǵy berilgenmen, dittegen jerine jete almady.
