برازيلييا فۋتبولشىلارى مٸنگەن ۇشاق قۇلاعان كولۋمبييانىڭ انتوكييا ايماعىنان امان قالعاندار تابىلدى. بۇل تۋرالى 360 Radio Colombia راديوستانتسيياسىنىڭ Twitter پاراقشاسىندا حابارلانعان. ريونەگرو قالاسىنىڭ بيلٸك ٶكٸلدەرٸنٸڭ مەلٸمەتٸنشە, جەرگٸلٸكتٸ اۋرۋحانالارعا 10 ادام جەتكٸزٸلگەن, - دەپ حابارلايدى Lenta.ru.
مۇنىڭ الدىندا ۇشاقتا بولعان جولاۋشىلاردىڭ بارلىعى مەرت بولدى دەپ حابارلانعان ەكەن.
ناقتىلانعان اقپارات بويىنشا, ۇشاق بورتىندا 81 ادام بولعان, سونىڭ ٸشٸندە ەكيپاج مٷشەلەرٸ دە بار. جولاۋشىلار اراسىندا برازيلييالىق "شاپەكوەنسە" كلۋبىنىڭ فۋتبولشىلارى مەن قىزمەتكەرلەرٸ بولعان. ولار مەدەلينگە وڭتٷستٸك امەريكالىق كۋبوكتىڭ العاشقى فينالدىق ماتچىنا قاتىسۋ ٷشٸن ۇشىپ بارا جاتقان.
الدىن الا مەلٸمەت بويىنشا, بوليۆييادان ۇشقان بورت كومانديرٸ مەدەلين ديسپەتچەرلەرٸنە جانارمايدىڭ جەتپەيتٸندٸگٸن حابارلاعان. وعان قونۋ باسىمدىعى بەرٸلگەنمەن, دٸتتەگەن جەرٸنە جەتە المادى.
