Foto: orda.kz
Almaty oblysyndaǵy Kólsai kólderi ulttyq parki aýmaǵynda týristik mikroavtobýs tereń shatqalǵa qulap ketti, dep habarlaidy Ult.kz.
Oqiǵa taýly aimaqta bolǵan. Aldyn ala málimetterge sáikes, shaǵyn avtobýs shamamen 150 metr biiktikten tómen syrǵyp ketken. Abyroi bolǵanda, kólik qulaǵan sátte onyń ishinde eshkim bolmaǵan.
Tótenshe jaǵdaidyń saldaryn joiýǵa Qazseldenqorǵaý mekemesiniń qyzmetkerleri jedel túrde jumyldyryldy. Vedomstvo málimetinshe, olar oqiǵa ornynan alys emes jerde gidrobeket salý jumystaryn júrgizip jatqan.
Qutqarýshylar Almaty oblystyq TJD kúshterimen birlesip, jetýi qiyn aimaqta jatqan kólikti arnaiy tehnika kómegimen shyǵaryp aldy.
Resmi málimet boiynsha, oqiǵa saldarynan qaza tapqandar men zardap shekkender joq.
