Foto: Romana EGOROV / "Vremia" gazeti
Almaty oblysynyń prokýratýrasy sottalǵan adam №12 túzeý mekemesinde jazasyn óteý kezinde internet-alaiaqtyqpen ainalysqandyǵyn anyqtady, dep habarlaidy "Ult aqparat" vedomstvonyń baspasóz qyzmetine silteme jasap.
Prokýratýra málimetinshe, ol 2020 jyldyń maýsymynan 2023 jyldyń qańtaryna deiin túzeý mekemesi jaǵdaiynda uialy telefondar men uialy operatorlardyń túrli sim-kartalaryn paidalaný arqyly 25 mln. teńgeden astam somaǵa 200-ge jýyq alaiaqtyq is-qimyl jasaǵany anyqtalǵan.
"Bul derek 2023 jylǵy 2 naýryzda QR Qylmystyq kodeksiniń 190-baby 3-bóligi 4-tarmaǵynda ("Alaiaqtyq") kózdelgen quqyqbuzýshylyq boiynsha mamandandyrylǵan prokýratýrada tirkelip, Qonaev politsiia basqarmasynyń tergeý bólimshesine berildi", - delingen habarlamada.
Tergeý barysynda sottalǵan adamnan eki uialy telefon jáne 41 SIM-karta tárkilengen.
