Foto: ashyq derekkóz
25 maýsymnan bastap Qazaqstanda tehnikalyq jáne kásiptik, orta bilimnen keiingi bilim berý uiymdaryna qujat qabyldaý bastaldy. 2025-2026 jańa oqý jylynda grant negizinde 150 myń talapkerdi qabyldaý josparlanyp otyr, dep habarlaidy Ult.kz.
Memlekettik bilim berý tapsyrysy (granttar) geologiia, mashina jasaý, energetika, IT, metallýrgiia, kólik jáne taǵy da basqa tehnikalyq mamandyqtar boiynsha artty.
Qujattardy elektrondy úkimet portaly eGov.kz arqyly nemese kolledjge baryp tapsyrýǵa bolady. Talapkerlerge 4 mamandyq pen 4 kolledjdi tańdap, bir ýaqytta qujat tapsyrý múmkindigi berilgen.
Orta býyn jáne qoldanbaly bakalavriat mamandyqtaryna túsý úshin baiqaý mindetti jáne beiindik pánder boiynsha attestattyń ortasha baly negizinde ótkiziledi.
Jumysshy biliktiligin alǵysy keletin túlekter kolledjge áńgimelesý nátijesi boiynsha qabyldanady.
Pedagogikalyq mamandyqtarǵa túsýshiler úshin esse nemese diktant, al meditsinalyq mamandyqtar boiynsha beiindik emtihandar ótkiziledi.
Orta býyn mamandyqtary boiynsha (9 jáne 11-synyp) qujat qabyldaý 25 maýsym men 22 tamyz aralyǵynda ótedi. Shyǵarmashylyq mamandyqtar boiynsha – 25 maýsymnan 20 shildege deiin. Pedagogikalyq jáne meditsinalyq mamandyqtar boiynsha – 25 maýsymnan osy jyldyń 10 tamyzyna deiin.
Sondai-aq kolledjge qabyldaý kezinde QR Oqý-aǵartý ministriniń 2023 jylǵy 15 tamyzdaǵy №261 buiryǵyna sáikes kvota kózdelgen. Buiryqtyń tolyq mátinimen «Ádilet» quqyqtyq portalynda tanysýǵa bolady.
