QR Bilim jáne ǵylym vitse-ministri Bibigúl Asylova tehnikalyq jáne kásiptik bilimmen jastardy qamtýdy keńeitý jumystary týraly aitty, dep habarlaidy QazAqparat.
«Kelesi qadam tegin tehnikalyq jáne kásiptik bilimmen jastardy qamtýǵa arnalǵan. 2017 jyldan beri osy joba iske asrylyp keledi. 300 myńǵa jýyq adam birinshi jumysshy mamandyǵyn tegin aldy», - dedi vitse-ministr Májilistiń Áleýmettik-mádeni damý komitetiniń keńeitilgen otyrysynda.
Onyń aitýynsha, jyl saiyn 9-synyp túlekteriniń 30 paiyzy jáne 11 synyp túlekteriniń 50 paiyzdan astamy aqyly bólimge oqýǵa túsedi.
«Jegilikti atqarýshy organdarmen birlese suranysqa ie mamandyqtar boiynsha tegin tehnikalyq jáne kásiptik bilimmen jastardy 100 paiyz qamtýǵa kezeń-kezeńmen ótýdi josparlap otyrmyz. Ol úshin 2025 jylǵa deiin memlekettik tapsyrys kólemin 20 myńnan 50 myń orynǵa deiin arttyrý eskerilgen. Jergilikti biýdjetterdiń qarjylandyrýy kezinde birinshi kezekte 9-synyp túlekteriniń barlyǵyn kolledjderde aqysyz oqytý josparlanǵan», - dedi B. Asylova.
