Foto: Bilim ministrliginiń baspasóz qyzmeti
Bilim berý salasyn tsifrlandyrý aiasynda osy jyldan bastap tehnikalyq jáne kásiptik, sondai-aq orta bilimnen keiingi bilim týraly diplomdar blankide QR-kodpen berile bastady, dep habarlaidy Oqý-aǵartý ministrliginiń baspasóz qyzmeti.
Derekterdi avtomatty sáikestendirý men verifikatsiialaý nemese QR-kod tehnologiiasyn qoldaný jalǵan diplom jasaýdan qorǵaýǵa jáne jumys berýshilerdiń diplom túpnusqalyǵyn birden tekserip alýyna múmkindik beretin jańashyldyq bolyp tabylady.
«QR-kod diplomnyń túpnusqalyǵyn tekserýge múmkindik beredi. Ol qujattyń iesi jaily derekter, oqý orny týraly aqparat pen Ulttyq bilim berý derekter qorynan alynǵan qujat derektemeleri kórsetiletin memlekettik internet-resýrsqa silteme beredi. QR-kodta túlekti sáikestendirýge múmkindik beretin málimetter: túlektiń aty-jóni, uiymnyń ataýy, túsken/bitirgen jyly, mamandyǵy men biliktiliginiń ataýy, oqytý nysany, diplomnyń seriiasy men nómiri beriledi», - deidi oqý-aǵartý vitse-ministri Aibat Iliiasov.
Sonymen qatar, 6 shildeden beri osy jyly berile bastaǵan TjKB diplomdaryn tsifrlyq jeke jáne júrgizýshi kýálikteri sekildi elektrondy úkimet portalyndaǵy jeke kabinet nemese eGov elektrondy úkimet portaly men eGov mobile qosymshasyndaǵy tsifrlyq qujattar servisi arqyly, sondai-aq ekinshi deńgeidegi bankterdiń qosymshalary arqyly alýǵa bolady. Túlekterge «eGov Mobile» qosymshasy arqyly QR-kod boiynsha aqparatty uiymdar men jeke tulǵalarǵa tsifrlyq túrde jiberý múmkindigi berildi. Mundai tájiribe joǵary oqý oryndaryn bitirgeni týraly diplom berý kezinde qoldanylyp keledi.
Biyl 140 myńnan astam kolledj túlegi QR-kody bar diplomdar alady.
