فوتو: بٸلٸم مينيسترلٸگٸنٸڭ باسپاسٶز قىزمەتٸ
بٸلٸم بەرۋ سالاسىن تسيفرلاندىرۋ اياسىندا وسى جىلدان باستاپ تەحنيكالىق جەنە كەسٸپتٸك, سونداي-اق ورتا بٸلٸمنەن كەيٸنگٸ بٸلٸم تۋرالى ديپلومدار بلانكٸدە QR-كودپەن بەرٸلە باستادى, دەپ حابارلايدى وقۋ-اعارتۋ مينيسترلٸگٸنٸڭ باسپاسٶز قىزمەتٸ.
دەرەكتەردٸ اۆتوماتتى سەيكەستەندٸرۋ مەن ۆەريفيكاتسييالاۋ نەمەسە QR-كود تەحنولوگيياسىن قولدانۋ جالعان ديپلوم جاساۋدان قورعاۋعا جەنە جۇمىس بەرۋشٸلەردٸڭ ديپلوم تٷپنۇسقالىعىن بٸردەن تەكسەرٸپ الۋىنا مٷمكٸندٸك بەرەتٸن جاڭاشىلدىق بولىپ تابىلادى.
«QR-كود ديپلومنىڭ تٷپنۇسقالىعىن تەكسەرۋگە مٷمكٸندٸك بەرەدٸ. ول قۇجاتتىڭ يەسٸ جايلى دەرەكتەر, وقۋ ورنى تۋرالى اقپارات پەن ۇلتتىق بٸلٸم بەرۋ دەرەكتەر قورىنان الىنعان قۇجات دەرەكتەمەلەرٸ كٶرسەتٸلەتٸن مەملەكەتتٸك ينتەرنەت-رەسۋرسقا سٸلتەمە بەرەدٸ. QR-كودتا تٷلەكتٸ سەيكەستەندٸرۋگە مٷمكٸندٸك بەرەتٸن مەلٸمەتتەر: تٷلەكتٸڭ اتى-جٶنٸ, ۇيىمنىڭ اتاۋى, تٷسكەن/بٸتٸرگەن جىلى, ماماندىعى مەن بٸلٸكتٸلٸگٸنٸڭ اتاۋى, وقىتۋ نىسانى, ديپلومنىڭ سەريياسى مەن نٶمٸرٸ بەرٸلەدٸ», - دەيدٸ وقۋ-اعارتۋ ۆيتسە-مينيسترٸ ايبات ٸليياسوۆ.
سونىمەن قاتار, 6 شٸلدەدەن بەرٸ وسى جىلى بەرٸلە باستاعان تجكب ديپلومدارىن تسيفرلىق جەكە جەنە جٷرگٸزۋشٸ كۋەلٸكتەرٸ سەكٸلدٸ ەلەكتروندى ٷكٸمەت پورتالىنداعى جەكە كابينەت نەمەسە eGov ەلەكتروندى ٷكٸمەت پورتالى مەن eGov mobile قوسىمشاسىنداعى تسيفرلىق قۇجاتتار سەرۆيسٸ ارقىلى, سونداي-اق ەكٸنشٸ دەڭگەيدەگٸ بانكتەردٸڭ قوسىمشالارى ارقىلى الۋعا بولادى. تٷلەكتەرگە «eGov Mobile» قوسىمشاسى ارقىلى QR-كود بويىنشا اقپاراتتى ۇيىمدار مەن جەكە تۇلعالارعا تسيفرلىق تٷردە جٸبەرۋ مٷمكٸندٸگٸ بەرٸلدٸ. مۇنداي تەجٸريبە جوعارى وقۋ ورىندارىن بٸتٸرگەنٸ تۋرالى ديپلوم بەرۋ كەزٸندە قولدانىلىپ كەلەدٸ.
بيىل 140 مىڭنان استام كوللەدج تٷلەگٸ QR-كودى بار ديپلومدار الادى.
