Foto: Pexels.com
Jumysshy mamandyqtar jyly aiasynda QR Oqý-aǵartý ministrligine qarasty «Talap» kommertsiialyq emes aktsionerlik qoǵamy elimizdegi tehnikalyq jáne kásiptik bilim berý mekemelerine qatysty aqparattardy biriktiretin tsifrlyq karta ázirleýde. Interaktivti platforma kolledjder týraly keshendi ári ózekti málimetterdi bir jerge jinaqtap, yńǵaily formatta usynady, dep habarlaidy Ult.kz.
Karta arqyly kez kelgen paidalanýshy ózine qajetti óńirdi tańdap, sol aimaqtaǵy kolledjderdiń, stýdentter men oqytýshylardyń sany, jataqhanalar men sport zaldary sekildi infraqurylym, sondai-aq daiarlyq baǵyttary men oqytylatyn mamandyqtar jóninde málimet ala alady. Júie oblys, aýdan, kolledj jáne naqty bilim berý baǵdarlamasy deńgeiinde aqparatty ikemdi súzgiden ótkizýge múmkindik beredi.
QR Oqý-aǵartý ministrliginiń Tehnikalyq jáne kásiptik bilim berý departamentiniń direktory Áset Muhanbetovtyń aitýynsha, qazir mundai derekter tek jekelegen platformalar men jergilikti atqarýshy organdardyń saittarynda shashyrańqy kúide berilip otyr. Al jańa karta bul aqparatty biriktirip, ýákiletti organdar úshin de, oqýǵa túsýge nietti talapkerler men olardyń ata-analary úshin de paidaly quralǵa ainalady.
Qazirgi ýaqytta karta saitta ornalastyrylǵan jáne 2025 jyldyń shilde aiynda ony pilottyq rejimde iske qosý josparlanyp otyr. Júie «Talap» KEAQ resmi saitynda jáne map.talap.edu.kz/map mekenjaiy boiynsha qoljetimdi.
.jpeg)