Kerch qalasyndaǵy politehnikalyq kolledjde terakt jasady degen kúdikti óz-ózine qol jumsady. Ol osy oqý ornynyń tórtinshi kýrs stýdenti eken. Bul týraly Qyrym basshysy Sergei Aksenov habarlady, dep jazady Sputnik RIA Novosti-ǵa silteme jasap.
"Kúdikti óz-ózin atyp óltirdi, jasy 22-de edi. Denesi ekinshi qabattaǵy kitaphanadan tabyldy", — dep málimet berdi Aksenov.
Budan buryn habarlanǵandai, qylmysker ǵimaratqa kirip, kolledjdegi adamdarǵa oq jaýdyrady, keiin jarylǵysh zatty qoldanǵan.
Kerch qalasyndaǵy qaiǵyly oqiǵa jappai kisi óltirý dep ataldy
Resei Tergeý komitetiniń resmi ókili Svetlana Petrenko habarlaǵandai, Kerch qalasyndaǵy jarylysqa bailanysty eki nemese odan da kóp tulǵany jalpyǵa qaýipti ádispen óltirý degen bap boiynsha qylmystyq is qozǵaldy. Budan buryn Kerchtegi oqiǵa terakt dep atalǵany týraly aqparat shyqqan.
Resei prezidenti Vladimir Pýtin qaza tapqandardyń týystaryna kóńil aitty.
"Jarylystan adamdar ajal qushty, zardap shekkender kóp. Qaza tapqandardyń týystaryna kóńil aitqym keledi, zardap shekkender tez arada saýyǵyp ketsin dep tileimin. Ol úshin qoldan kelgenniń bárin jasaimyz", — dedi Pýtin Mysyr prezidenti Abdel Fattah as-Sisimen kelissózder qorytyndysy boiynsha BAQ aldynda sóilegen sózinde.
Qyrymnyń densaýlyq saqtaý ministrligi habarlamasyna súiensek, qazir Qyrym aýrýhanalarynda 37 zardap shegýshi jatyr. Qurbandar sany 10-nan 19-ǵa jetti.
