Foto: Astana qalasy ákimdiginiń saitynan
Astanada vandalizm aktileri men qoǵamdyq tártipti buzýshylyqtardyń jolyn kesý boiynsha belsendi jumys jalǵasýda. Politseiler kezekti vandaldardy taýyp, jaýapkershilikke tartty, dep habarlaidy Astana ákimdiginiń resmi saity.
Sonymen, 12 qarasha keshkisin ýniversitet ǵimaratynda ashýǵa býlyqqan 32 jastaǵy er adam aǵash esikti uryp, zaqymdaǵan.
17 qarashaǵa qaraǵan túni 37 jastaǵy azamat politsiia ǵimaratynda kezekshi bólimde qolymen terezeni syndyrǵan.
18 qarasha keshkisin 42 jastaǵy azamat bireýdiń kóligine zaqym keltirgen. Birneshe saǵattan keiin 36 jastaǵy basqa adam mas kúiinde basqa aýdanda da kólikti zaqymdaǵan.
Olardyń barlyǵy bótenniń múlkin qasaqana búldirgeni úshin ákimshilik jaýapkershilikke tartyldy (QR ÁQBtK 147-1-baby), ondaǵy zalal 200 AEK nemese 690 myń teńge somasynan aspaidy.
Jyl basynan beri Astanada eriktiler, belsendiler, belgili sportshylar, qala turǵyndary qoldaǵan «Toqta, vandal» aktsiiasy aiasynda profilaktikalyq jumystar júrgizilýde.
Aktsiianyń maqsaty – vandalizmniń kez kelgen kórinisin boldyrmaý jáne elordada tazalyq pen tártipti saqtaý.
Jyl basynan beri sot 270-ten astam adamdy bótenniń múlkin qasaqana búldirgeni úshin, jalpy paidalaný oryndaryn lastaǵany úshin, ǵimarattar men turǵyn úi-jailardy búldirgeni úshin jazalady. Olardyń barlyǵy jaýapqa tartyldy.
Vandalizmniń aldyn alý jumystary qalalyq prokýratýra men politsiia departamentiniń úilestirýimen júrgiziledi.
