kollaj: Halyq Uni
Ónerkásipti damytý qorynyń basqarma múshesi Rinat Ǵapparov elektrondy kezekke turý tártibin túsindirdi, dep habarlaidy Sputnik Qazaqstan.
6 aqpanda saǵat 10:00-de autonesie.kz saitynda ótinim qabyldaý bastalady. Ony kompiýter arqyly berý kerek. Árbir adam óziniń elektrondy tsifrlyq qoltańbasyn qoldanady. Sondyqtan kompiýterde NCALayer baǵdarlamasy bolýy qajet.
"Caitqa kirgennen keiin "Ótinim berý" batyrmasyn basasyz. Sosyn elektrondy tsifrlyq qoltańbany qoldaný kerek. Sol kezde adamnyń aty-jóni men jeke sáikestendirý nómiri avtomatty túrde shyǵady. Odan keiin tek telefon nómiri men avtoóndirýshini ǵana engizý kerek. Sóitip, qol qoiyp, ótinimdi jiberesiz", - dedi Ǵapparov jańa platformany tanystyrý rásimine arnalǵan brifingte.
Onyń aitýynsha, elektrondy kezekke ótinim bergende kóliktiń modelin tańdaýǵa múmkindik bolmaidy. Óndirýshi kásiporyn ǵana kórsetiledi. Al ótinim maquldanǵannan keiin salonǵa barý kerek.
"Ótinimniń maquldanǵany da kórsetiledi. "Siz sátti tirkeldińiz" degen jazý shyǵady. Osydan keiin salonǵa baryp, kóliktiń modelin tańdaisyz da, tólem esepshotyn alasyz. Sosyn bankke barasyz. Sol jerde tólem qabilettiligin rastaý kerek. Kólikti rásimdeý sharalaryn 6 kúnniń ishinde aiaqtaý kerek", - dep túsindirdi Ǵapparov.
Avtosalondar men bankter adamnyń elektrondy kezekte turǵanyn, ia turmaǵanyn tekserip otyrady.
Ótinim úsh jaǵdaida, atap aitqanda, ótinish berýshi baǵdarlama boiynsha kólik alǵan bolsa, ekinshi ret ótinim jiberse, avtokredit berýge qarjy jetispese, keri qaitarylady.
Aita keteri, aqpan aiynda 761 ótinim qabyldanady. Sebebi revolverlik qarjynyń kólemi 7,6 milliard teńgeni quraidy. Al kelesi aidan bastap 100 ótinim qabyldanady.
Aita keteiik, jeńildetilgen avtonesie baǵdarlamasynyń sharttary ózgerissiz qalady:
- nesieniń eń joǵary somasy - 10 million teńgeden aspaidy;
- qarjylandyrý merzimi - 7 jyldan aspaidy;
- syiaqy mólsherlemesi - jyldyq 4% (JTSM jyldyq 7.5%-dan aspaýy tiis);
- bastapqy jarna - 0 paiyz;
- 1 avtokóliktiń quny 15 million teńgeden aspaýy kerek.
