Óskemen qalasynda kólikten jarty mln teńge jymqyryp ketken mektep oqýshysy ustaldy, dep habarlaidy QazAqparat.
ShQO politsiia departamenti baspasóz qyzmetiniń málimetine súiensek, «102» jedel arnasyna 29 jastaǵy azamat habarlasqan. Óz sózinde ol úiiniń aýlasynda esigi ashyq turǵan «VAZ» kóliginiń salonynan belgisiz bireýdiń 510 000 teńgesin urlap ketkenin jetkizdi.
«Oqiǵa ornyna jetken jedel-tergeý toby qylmyskerdiń saýsaq izderin alǵan. Sondai-aq urlyq jasalǵan sát «Sergek» kamerasyna túsip qalǵan. Politseiler kúdiktini tapty. 15 jastaǵy mektep oqýshysynyń buǵan deiin de birneshe ret urlyq jasaǵany jáne qyrkúiekten bastap qalalyq Politsiia basqarmasynda esepte turǵany anyqtaldy», - dedi oblystyq PD bastyǵy Saǵat Mádiev.
Jasóspirim ájesimen birge turady. Al anasynyń túrmede jazasyn ótep jatqany belgili boldy. Qazirgi ýaqytta oqýshy ShQO bilim basqarmasynyń kámeletke tolmaǵandardy beiimdeý ortalyǵyna ornalastyryldy.
Jinalǵan materialdar kámeletke tolmaǵandardyń isteri jónindegi komissiiada qaralady. Atalǵan fakti boiynsha QR QK-niń 188-baby 3-bóligi 3-tarmaǵyna (Urlyq) sáikes sotqa deiingi tergeý amaldary bastaldy.
