Elordada kóliktiń júk salǵyshyna qol-aiaǵy bailanǵan er adamdy salyp, kóshe aralaǵan prankerler jazalandy, dep habarlaidy QazAqparat.
Kóliktegi bailanǵan er adam – astana politsiiasy videoǵa túsinik berdi
«21 sáýir kúni saǵat 19:28 kezinde «102» pýltine Seifýllin-Ýálihanov kósheleri qiylysynda, iaǵni «Aimaqtaý» saýda úiiniń mańyndaǵy avtokóliktiń júk salǵyshynda qol-aiaǵy bailanǵan jas jigit jatqany týraly habar kelip tústi. Bul jerge jedel túrde politsiia jasaǵy jiberildi. Sol aýmaqty sholý kezinde oqiǵaǵa qatysy bar adamdar ustaldy. Olar 19-22 jastaǵy jastar ekeni anyqtaldy», - delingen qalalyq Politsiia departamenti málimetinde.
Oqiǵanyń mán-jaiyn anyqtaý barysynda qoǵamdyq tártipti buzǵandar áleýmettik eksperiment júrgizgeni belgili boldy.
«Baiqońyr» aýdany politsiia basqarmasynyń qyzmetkerleri olardy usaq buzaqylyq boiynsha ákimshilik jaýapkershilikke tartyp, materialdardy ákimshilik sotqa joldady.
