Jeke tulǵalarǵa 2021 jylǵa kólik salyǵyn tóleý merzimi 1 sáýirde aiaqtalady. Bul týraly Almaty qalasy boiynsha Memlekettik kirister departamentiniń baspasóz qyzmeti habarlady, - dep habarlaidy Tengrinews.kz tilshisi.
"2021 jylǵa kólik quraldary salyǵyn tóleý merzimi jeke tulǵalar úshin 2022 jyldyń 1 sáýirine deiin ekenin eske salamyz. Salyq somasyn e-Salyk-Azamat mobildi qosymshasyndaǵy kalkýliator kómegimen jáne kgd.kz saitynda óz betińizshe esepteýge bolady nemese 1414/3-ortalyǵynyń biryńǵai bailanysy arqyly bilýge bolady", - delingen habarlamada.
Vedomstvo málimetinshe, merzimi ótip ketkennen keiin salyq zańnamasy normalaryna sáikes salyq tólemegen tulǵalar bank qyzmetterin ala almaidy, onyń ishinde bank shottaryn ashý, aýdarymdardy júzege asyrý, nesie alý jáne t.b.
"Keshiktirilgen árbir kúnge Ulttyq bank belgilegen resmi qaita qarjylandyrý stavkasynyń 1,25 eselengen mólsherinde aiyppul salynady. Sonymen qatar, salyq organdary májbúrlep oryndatý maqsatynda boryshkerlerge, onyń ishinde múlkine jáne bank shottaryna tyiym salý, sondai-aq elden tys jerlerge shyǵýǵa shekteý qoiý sharalaryn qoldanatyn sot oryndaýshylaryna salyq tapsyrmalaryn jiberedi. Bul rette qaryz somasynyń 25 paiyzyn quraityn sot shyǵyndary ustalady", - dep tolyqtyrdy baspasóz qyzmeti ókilderi.
