Foto: "QazAvtoJol" ulttyq kompaniiasy
Qazaqstannyń Bas prokýratýrasy jol qurylysy men jóndeýdegi zań buzýshylyqtar týraly aitty, - dep habarlaidy "Ult aqparat" vedomstvonyń baspasóz qyzmetine silteme jasap.
Vedomstvo málimetinshe, buǵan deiin baspasózde kólik joldaryn salý jáne jóndeý kezinde jymqyrý, sondai-aq sybailas jemqorlyqtyń kóptegen faktileri anyqtalǵandyǵy týraly habarlanǵan. Biýdjet qarajatyn zańsyz shyǵarý shemalarynda kóbinese bir merdiger uiymdar bolǵan.
"Atap aitqanda, osyndai firmalardyń biriniń ókilderi Aqmola óńiri Qoiandy kentinde 907 million teńgege kúrdeli jóndeý jáne jol qurylysyn jasamaǵandyǵy belgili boldy.
Búginde shart buzyldy. Óńir prokýrorlary sotqa deiingi tergep-tekserýge bastamashylyq jasap, onyń sheńberinde qylmystyq quqyq buzýshylyq jasaýdyń mán-jailary anyqtalyp jatyr.
Soltústik Qazaqstan oblysynda oblystyq joldardy jóndeýge bólingen 423 million teńgeni jymqyrdy degen aiyppen Ǵ. Músirepov atyndaǵy aýdan ákimdiginiń jáne jergilikti merdiger mekemeniń basshylary qamaýǵa alynyp, jaýapqa tartyldy.
Jumystardy qabyldaý týraly jalǵan aktiler boiynsha joldyń joqtyǵyna qaramastan, milliondaǵan memlekettik qarjyny aýdarǵan", - delingen habarlamada.
Memlekettik satyp alý kezinde ónim jetkizýshiler tańdaý kezeńi avtojol salasyndaǵy jemqorlyqpen neǵurlym bailanysty bolyp tabylady.
"Máselen, aýdan prokýrorlarynyń aralasýynan keiin Arshaly aýdany ákimdiginiń bólim basshysy Ekaterinbýrg-Almaty avtobanynan Bersýat aýylyna deiingi ýchaskeni kúrdeli jóndeý boiynsha 1,1 milliard teńgege zańsyz shart jasasqany úshin teris sebeptermen jumystan bosatylǵan bolatyn", - dep tolyqtyrdy vedomstvonyń baspasóz qyzmeti.
Prokýrorlar biýdjettiń negizsiz shyǵyndarynyń jolyn kesýge erekshe nazar aýdarady.
Mysaly, olar Shyǵys Qazaqstan oblysynyń Altai aýdanynda jóndelgen ýchaskege 148 mln-nan astam biýdjet qarajatyn artyq jumsaý faktisiniń aldyn alǵan jáne kináli laýazymdy tulǵa laiyqty tártiptik jazaǵa tartylǵan.
"Tekserý qorytyndysy boiynsha barlyǵy 300-den astam zań buzýshylyq anyqtaldy, biýdjet shyǵyndary 30 mlrd teńgege únemdeldi, memleket kirisine 2,5 mlrd teńge óteldi, 29 qylmystyq is qozǵaldy, 305 adam tártiptik jáne ákimshilik jaýapkershilikke tartyldy.
Joldardyń qanaǵattanarlyqsyz jaǵdaiyna orynsyz josparlaý, innovatsiialardy enjar engizý, beriktigi joǵary materialdarǵa únemdeý jáne t. b. yqpal etip otyr. Osyǵan bailanysty, Bas prokýratýra Úkimetke sheteldik ozyq tájiribege negizdelgen kólik joldary salasyn túbegeili ózgertý boiynsha usynystarmen qadaǵalaý aktisin engizdi" - delingen habarlamada.
