Illiýstratsiialyq foto: usolie.info
Memlekettik kirister komiteti ókilderi kólik salyǵy boiynsha bereshek bolǵan jaǵdaida jeke sot oryndaýshylary esepshottaryńyz ben elden shyǵýyńyzǵa buǵat salmaýy úshin ne isteý keregin túsindirdi, - dep habarlaidy Tengrinews.kz tilshisi Memlekettik kirister komitetine silteme jasap.
Jeke tulǵalardyń 2021 jyl boiynsha kólik quraldaryna salyq tóleý merzimi 2022 jyldyń 1 sáýirinde aiaqtaldy.
2022 jyldyń 2 sáýirinen bastap salyq somasyn ýaqytyly tólemegen jeke tulǵalarǵa salyq bereshegi týraly habarlamalar jiberilgen.
"3 063 teńgeden (1 AEK) asatyn bereshek somasy boiynsha habarlama túskennen keiin 30 jumys kúninen soń bereshekti májbúrlep óndirip alý týraly salyq uiǵarymy qurylady jáne boryshkerge jiberiledi.
Bereshek ótelmegen jaǵdaida, salyq ókimi jetkizilgennen keiin bes jumys kúni ótken soń jeke sot oryndaýshylaryna beriledi. Bul rette, jeke sot oryndaýshylary bereshek somasynan basqa, shottardy buǵattaý jáne elden shyǵýǵa shekteý qoiýdy qospaǵanda, salyq bereshegi somasynyń 25 paiyzyna deiingi mólsherde tólemdi qosymsha óndirip alady", - delingen Memlekettik kirister komiteti habarlamasynda.
Memlekettik kirister komiteti artyq shyǵyn men problema týyndamaýy úshin salyq bereshegi bolǵan jaǵdaida habarlamany jeke sot oryndaýshylaryna bergenge deiin - mamyrdyń úshinshi onkúndigine deiin salyqty tóleýge keńes beredi.
Salyq bereshegi bar/joǵy týraly aqparatty e-Salyq Azamat mobildi qosymshasy arqyly tekserýge bolady: Elektron qyzmetter - Salyq jáne áleýmettik tólemder boiynsha bereshek qyzmeti - JSN engizý.
Sonymen qatar, qazirgi salyq bereshegi PUSH-habarlama túrinde bankterdiń mobildi qosymshalary arqyly paidalanýshylarǵa jiberiledi.
