Qazaqstanda kólik salasyndaǵy eki laýazymdy tulǵa 40 mln teńgeden astam para aldy degen kúdikpen qamaýǵa alyndy, dep habarlaidy ult.kz.
QR Ulttyq qaýipsizdik komitetiniń baspasóz qyzmetiniń málimetinshe, biyl tamyzda prokýratýranyń úilestirýimen Kólik ministrliginiń Avtomobil kóligi jáne kóliktik baqylaý komiteti tóraǵasynyń orynbasary men Aqmola oblysy boiynsha kólik baqylaýy inspektsiiasy basshysynyń orynbasary ustalǵan.
Tergeý nusqasyna sáikes, kúdiktiler júk kólikteriniń ruqsat etilgen salmaq normasynan asyp ketýine qaramastan, olardyń kedergisiz júrýine jaǵdai jasaǵan. Osy áreketteri úshin kásipkerlerden 40 mln teńgeden astam materialdyq syiaqy alǵan degen kúdik bar.
Sot sanktsiiasymen eki laýazymdy tulǵa da qamaýǵa alynǵan.
Qazir sotqa deiingi tergep-tekserý júrgizilip jatyr. Qylmystyq-protsestik kodekstiń 201-babyna sáikes, tergeýdiń ózge mán-jailary jariialanbaidy.
Buǵan deiin «QazAvtoJol» artyq júk tasymaly máselesine alańdaýshylyq bildirgen. Kompaniia málimetinshe, Qazaqstan joldarynda myńǵa jýyq kólik 200 tonnadan astam júkpen júrgen.
