Astana-Saryaǵash poiyzyn tekserý kezinde 25 zań buzýshylyq anyqtaldy, dep habarlaidy "Ult aqparat" QR IDM baspasóz qyzmetine silteme jasap.
Kólik komitetiniń tóraǵasy Áset Asaýbaev pen Birinshi sybailas jemqorlyqqa qarsy media-ortalyq basshysy Tólegen Baiǵulov Astanadan Saryaǵashqa qatynaityn N85/86 jolaýshylar poiyzyn tekserdi.
«Tekseris nátijesinde poiyzdyń QR Ulttyq standarttarynyń talaptaryna sai kelmeitin 25 fakt anyqtaldy. Atap aitqanda, vagonnyń syrtyn tot basyp ketken jáne basqa da aqaýlar kózge túsken. Sondai-aq tósek jabdyqtarynyń standart talaptaryna sai bolmaýy synǵa ilindi. Atap aitqanda, matras pen jastyq jáne basqa da tósek jabdyqtary kir bolyp shyqqan. Sondai-aq, jolaýshylardy biletsiz tasymaldaǵan faktiler de anyqtaldy», - delingen habarlamada.
Sonymen qatar, tekserýshiler Qaraǵandy qalasyna kelip, temirjol vokzaly ǵimaratyn qaita jańǵyrtý jumysynyń barysymen tanysty. «Qazaqstan temir joly» UK» AQ vokzal sharýashylyǵy ókilderiniń qatysýymen jiyn ótti. Onda atalǵan kemshilikterdi joiýǵa qatysty tiisti nusqaý berildi.
