Túrkistan oblysynda úsh balany kóligimen qaǵyp, oqiǵa ornynan iz sýytqan kúdikti izdestirilýde. Balalardyń biri aýrýhanada kóz jumdy, dep habarlaidy "Ult aqparat".
«14 aqpanda Jetisai aýdandyq politsiia bólimine túrli dene jaraqattarymen kámelet jasyna tolmaǵan 3 balanyń jetkizilgeni týraly aýrýhanadan habarlama kelip tústi. Atalǵan jait boiynsha politseiler birden tekserý jumystaryn júrgizdi. Oqiǵa ornyna jedel jetken politseiler sol kúni keshki saǵat 17:50 shamasynda Jetisai aýdanyndaǵy S.Erýbaev kóshesi boiynda belgisiz avtokólik ońtústikten soltústik baǵytyna qarai júrip bara jatyp, 3 jasóspirim balany soǵyp, jol-kólik oqiǵasyn jasaǵanyn anyqtady.
Saldarynan úsh bala da aýrýhanaǵa jetkizildi. Iaǵni 16 jáne 13 jas shamasyndaǵy balalar túrli dene jaraqattarymen em qabyldaýda. Al 4 jastaǵy búldirshin aýyr dene jaraqatynan jansaqtaý bólimine túsip, kóz jumdy», - dedi Politsiia departamentinen.
Atalǵan fakti Jetisai aýdandyq politsiia bóliminde QR QK-niń 345-baby (Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy) jáne QR QK-niń 347-baby (Jol-kólik oqiǵasy bolǵan jerden ketip qalý) boiynsha sotqa deiingi tergep-tekserýdiń biryńǵai tizilimine tirkeldi.
«Aýdan politseileri kúdiktini anyqtaýǵa qatysty jedel izdestirý jumystaryn júrgizýde. Oqiǵa ornyn tiianaqty teksergen tártip saqshylary belgisiz avtokóliktiń artqy jaryq shamdarynyń synyqtary men aina synyqtaryn tapty. Olardyń «Aýdi-100» markaly avtokóligine tiesili jáne kóliktiń túsi sur-qara bolýy yqtimal ekenin boljaýda.
Sondyqtan osy boljamǵa sáikes Jetisai aýdanyndaǵy «Aýdi-100» markaly avtokólikter tyńǵylyqty tekserilýde», - dep naqtylady vedomstvodan.
Atalǵan oqiǵa boiynsha qandai da bir málimetke ie azamattar 102 nómirine, ne bolmasa Jetisai APB-nyń kezekshi bólimine: 87253467020, senim telefonyna: 6-70-07 habarlasa alady.
