Foto: Videodan alynǵan skrin
45 mln teńgege alaiaqtyq jasady degen kúdikti Polshadan ekstraditsiialandy, - dep habarlaidy Bas prokýratýra.
Bas prokýratýra, Ishki ister ministrligi jáne Syrtqy ister ministrligi birlesip, Qazaqstan azamatyn Polshadan ekstraditsiialady.
"Ol 2023 jyly Polshadan eki júk kóligin alyp kelýge ýáde berip, jábirlenýshiniń 45 million teńge kólemindegi qarajatyn iemdenip, óz mindetin oryndamai, jasyrynǵan degen kúdikke ilindi", - dep jazylǵan habarlamada.
Biyl aqpanda ol Bodzentyn qalasynda ustalyp, Qazaqstan Respýblikasy Bas prokýratýrasynyń suraý salýy boiynsha Otanyna ekstraditsiialandy.
Qazir ol ustaý izoliatoryna qamaýǵa alynǵan.
Bul qylmysty jasaǵany úshin múlki tárkilenip, bes jyldan on jylǵa deiingi merzimge bas bostandyǵynan aiyrý jazasy qarastyrylǵan.
