Astananyń eks-ákimi Altai Kólginov Premer-ministrdiń orynbasary qyzmetine taǵaiyndaldy, - dep habarlaidy "Ult aqparat" Aqorda saityna silteme jasap.
"Altai Seidiruly Kólginov Qazaqstan Respýblikasy Premer-ministriniń orynbasary laýazymyna taǵaiyndalsyn", - delingen jarlyq mátininde.
Kólginov 1978 jyly 15 qańtarda dúniege kelgen.
Iasaýi atyndaǵy Halyqaralyq Qazaq-Túrik ýniversitetin, Qazaqstan Respýblikasy Prezidenti janyndaǵy Memlekettik basqarý akademiiasyn, «Bolashaq» baǵdarlamasy boiynsha Ulybritaniianyń Aberdin ýniversitetin bitirgen.
Mamandyǵy – zańger, memlekettik jáne jergilikti basqarý magistri, halyqaralyq kommertsiialyq quqyq magistri.
Eńbek jolyn 2001 jyly Bas prokýratýra janyndaǵy quqyqtyq statistika jáne arnaiy esepke alý komitetiniń kadrlarmen jumys bóliminiń bas mamany, prokýrory bolyp bastady.
2002-2003 jyldary osy komitettiń quqyqtyq statistikany qalyptastyrý basqarmasynyń prokýrory boldy. 2003-2007 jyldary Qazaqstan Respýblikasy Memlekettik qyzmet isteri jónindegi agenttiginiń Astana qalasy boiynsha basqarmasy bastyǵynyń orynbasary qyzmetin atqardy. 2007-2008 jyldary Qazaqstan Respýblikasy Ádilet ministrliginiń zań aktilerin jasaqtaý jáne taldaý basqarmasynyń bastyǵy.
2008-2010 jyldary «AlashMediaGrýpp» JShS bas direktorynyń quqyqtyq máseleler jónindegi orynbasary.
2010-2012 jyldary osy kezge deiin Qazaqstan Respýblikasy Prezidenti Ákimshiliginiń aimaqtyq-uiymdastyrý jáne memlekettik baqylaý jumystary bóliminiń memlekettik inspektory bolyp qyzmet jasady.
2012-2013 jyldary BQO ákiminiń orynbasary qyzmetinde boldy.
2013-2016 jyldary Oral qalasynyń ákimi bolǵan. 2016-2019 jyldary Batys Qazaqstan oblysynyń ákimi bolǵan.
2019 jyldyń maýsym aiynan beri Astana qalasynyń ákimi boldy.
