Damyǵan qoǵamda adamdardyń kóbi qoǵamdyq kólikpen júredi. Bul týraly Nur-Sultan qalasynyń ákimi Altai Kólginov aitty, dep habarlaidy QazAqparat tilshisi.
Ákimniń aitýynsha, qazirgi tańda jobany ońtailandyrý arqyly qurylysy shyǵynyn azaitý boiynsha jumys bastalǵan.
«Qazirdiń ózinde qanshama jumystar jasalyp qoidy. Bul joba – bolashaqtyń jobasy. El astanasy áli ósetini anyq. Buryn qandai qalai edi, qazir qandai qala? Halqy osynsha ósetinin eshkim boljai alǵan joq. Damyǵan qoǵamda adamdardyń kóbi qoǵamdyq kólikpen júredi. Aspaly temirjol – sonyń biri», - dedi elorda ákimi búgingi jiynnan keiin jýrnalisterge bergen suhbatynda.
Ol sondai-aq, jobany qaita qaraý kezinde Prezident aitqan synnyń bári eskeriletinin jetkizdi.
«Syn aityldy. Endi sonyń negizinde jumys isteimiz. Orta joldan qalai toqtatamyz? Halyqaralyq mindetteme degen bar. Eń bastysy, qurylysty saýatty ári sapaly etip jolǵa qoiý kerek. Aqshasy men infraqurylymyn naqty mamandar esepteitin bolady. Jobanyń quny qysqarýy múmkin», - dedi Altai Kólginov.
Budan buryn habarlanǵandai, Nur-Sultan qalasynda salynyp jatqan LRT -nyń qurylysy ýaqytsha toqtatylǵan bolatyn. Sonymen qatar, biyl kóktemde Álihan Smaiylov elordada jeńil relsti kólik qurylysy (LRT) boiynsha joba jalǵasyn tabatynyn aitqan edi. Sondai-aq, keiin LRT qurylysynyń qashan naqty aiaqtalatyny belgili boldy. Sondai-aq, Prezident LRT qurylysyna núkte qoiýdy tapsyrdy.
