Nur-Sultan qalasynyń turǵyndary kótergen máselelerdiń barlyǵy josparǵa alyndy, dep habarlaidy "Ult aqparat".
Bul týraly elorda ákimi Altai Kólgiov óziniń Facebook paraqshasynda jazdy.
«Búgin «Baiqońyr» aýdanynyń turǵyndarymen kezdestim. 2 saǵat ishinde qala turǵyndary 70-ke jýyq suraq qoidy. Turǵyndar áleýmettik nysandardyń qurylysy, eldi-mekenderdi damytý, qoǵamdyq kólikterdiń baǵyttaryn arttyrý, aýmaqty abattandyrý, kóshelerdi jaryqtandyrý máselelerin kóterdi. Sondai-aq, turǵyn úi baǵdarlamalaryna qatysý jáne apatty úilerdi súrý máselelerine de toqtalyp ótti. Jalpy osy jyly «Nurly jer» baǵdarlamasy boiynsha 8 apatty úidiń turǵyndaryn kóshirdik. Munai bazalary mańynda ornalasqan 39 razezdegi 27 úidiń jiyrmasynyń turǵyndary páter aldy»,-dep jazdy elorda ákimi.
Sondai-aq ol turǵyndar tarapynan kóterilgen árbir másele jumys josparyna alynǵandyǵyn jáne «Ashyq mikrofon» formatyndaǵy mundai kezdesýlerdiń turaqty túrde ótetinin habarlady.
