Altai Kólginov Astana qalasynyń ákimi qyzmetinen ketti, - dep habarlaidy "Ult aqparat".
Prezident Jarlyǵymen elordanyń jańa ákimi bolyp Jeńis Qasymbek taǵaiyndaldy.
Aita keteiik, Altai Seidiruly Astana ákimi bolyp 2019 jyldyń maýsymynda taǵaiyndalǵan edi.
Ol 1978 jyly dúniege kelgen. Ol Ahmet Iasaýi atyndaǵy halyqaralyq qazaq-túrik ýniversitetin, QR Prezidenti janyndaǵy memlekettik basqarý akademiiasyn, "Bolashaq" baǵdarlamasy boiynsha Ulybritaniianyń Aberdin ýniversitetin bitirgen. Memlekettik jáne jergilikti basqarý magistri, halyqaralyq kommertsiialyq quqyq magistri. 2000 jyly Qazaqstan Respýblikasynyń Qarýly Kúshterinde qyzmet etken.
2001-2008 jyldary Qazaqstan Respýblikasy Ádilet ministrligi, Memlekettik qyzmet isteri agenttigi jáne Bas prokýratýra organdarynda ártúrli laýazymda qyzmet atqardy. Al 2008-2010 jyldary - "AlashMediaGrýpp" JShS bas direktorynyń orynbasary bolǵan.
2010-2012 jyldary QR Prezidenti Ákimshiliginiń aimaqtyq-uiymdastyrý jáne memlekettik baqylaý jumystary bóliminiń memlekettik inspektory qyzmetin atqarsa, 2012-2013 jyldary Batys Qazaqstan oblysy ákiminiń orynbasary jáne 2013-2016 jyldary Oral qalasynyń ákimi qyzmetinde boldy.
2016-2019 jyldary Batys Qazaqstan oblysynyń ákimi boldy.
