Qoldanystaǵy zańnamalyq aktilerge ózgerister qajet. Bul týraly «Amanat» komissiiasynyń tóraǵasy Abzal Quspan málim etti, dep habarlaidy QazAqparat.
«Jumysymyz barysynda qoldanystaǵy zańnamalyq aktilerge ózgerister qajet etetinin de túsindik. Sol sebepti aldaǵy aptada Parlament depýtattarymen de kezdesýdi josparlap otyrmyz. Iaǵni, biz jekelegen adamdardy qorǵap, olarǵa qoldanylǵan basty bultartaý sharasyn ózgertý jumystarynan júieli jumystarǵa kóshý baǵytyna yńǵailanyp otyrmyz», - dedi Abzal Quspan BAQ ókilderine arnalǵan brifing barysynda.
Onyń atap ótýinshe, komissiia músheleri keshe Memlekettik hatshy Erlan Qarinmen kezdesý barysynda zańnamalyq aktilerge ózgerister engizý týraly usynystaryn jetkizgen.
«Ol óz tarapynan qarastyryp jatyr. Bul jumysty Parlament depýtattarymen talqylaýǵa usyndy. Aldaǵy aptada osy jumystardy atqarmaqpyz. Komissiianyń jumysy munymen aiaqtaldy degendi bildirmeidi. Áli de atqaratyn jumys kóp. Kóptegen saraptamalyq materialdar daiyndadyq. Bas prokýratýra men Prezident ákimshiligine joldadyq. Osy baǵytta jumysymyzdy jalǵastyra beremiz», - dedi komissiia tóraǵasy.
