قولدانىستاعى زاڭنامالىق اكتٸلەرگە ٶزگەرٸستەر قاجەت. بۇل تۋرالى «امانات» كوميسسيياسىنىڭ تٶراعاسى ابزال قۇسپان مەلٸم ەتتٸ, دەپ حابارلايدى قازاقپارات.
«جۇمىسىمىز بارىسىندا قولدانىستاعى زاڭنامالىق اكتٸلەرگە ٶزگەرٸستەر قاجەت ەتەتٸنٸن دە تٷسٸندٸك. سول سەبەپتٸ الداعى اپتادا پارلامەنت دەپۋتاتتارىمەن دە كەزدەسۋدٸ جوسپارلاپ وتىرمىز. ياعني, بٸز جەكەلەگەن ادامداردى قورعاپ, ولارعا قولدانىلعان باستى بۇلتارتاۋ شاراسىن ٶزگەرتۋ جۇمىستارىنان جٷيەلٸ جۇمىستارعا كٶشۋ باعىتىنا ىڭعايلانىپ وتىرمىز», - دەدٸ ابزال قۇسپان باق ٶكٸلدەرٸنە ارنالعان بريفينگ بارىسىندا.
ونىڭ اتاپ ٶتۋٸنشە, كوميسسييا مٷشەلەرٸ كەشە مەملەكەتتٸك حاتشى ەرلان قارينمەن كەزدەسۋ بارىسىندا زاڭنامالىق اكتٸلەرگە ٶزگەرٸستەر ەنگٸزۋ تۋرالى ۇسىنىستارىن جەتكٸزگەن.
«ول ٶز تاراپىنان قاراستىرىپ جاتىر. بۇل جۇمىستى پارلامەنت دەپۋتاتتارىمەن تالقىلاۋعا ۇسىندى. الداعى اپتادا وسى جۇمىستاردى اتقارماقپىز. كوميسسييانىڭ جۇمىسى مۇنىمەن اياقتالدى دەگەندٸ بٸلدٸرمەيدٸ. ەلٸ دە اتقاراتىن جۇمىس كٶپ. كٶپتەگەن ساراپتامالىق ماتەريالدار دايىندادىق. باس پروكۋراتۋرا مەن پرەزيدەنت ەكٸمشٸلٸگٸنە جولدادىق. وسى باعىتتا جۇمىسىمىزدى جالعاستىرا بەرەمٸز», - دەدٸ كوميسسييا تٶراعاسى.
