Almaty qalasynyń ákimi Baqytjan Saǵyntaev Kóktóbeniń kóshkin qaýpi bar aimaqtaryn nyǵaitý jumystary týraly aitty, dep habarlaidy "Ult aqparat".
«Shildede Medeý aýdanyn aralaǵan kezde Kóktóbe taýynyń kóshkin qaýpi bar aimaǵyna ornalasqan birneshe úidiń turǵyndary kómek kórsetýdi ótingen edi. Óitkeni úilerge opyrylý qaýpi tónip, keleńsiz jait turǵyndardy alańdatqan bolatyn. Tamyz aiynda Gornyi, Gornovostochnyi jáne Begalin kósheleri tuiyqtalǵan taý bókterlerin bekitý bastalǵan bolatyn. Jalpy, 60 jeke úi ornalasqan 290 metr betkei nyǵaitylýy tiis edi», - dep jazdy Baqytjan Saǵyntaev Instagram -daǵy paraqshasynda.
Onyń aitýynsha, batys jaqtaǵy qabyrǵany gabionnan jasalǵan jeti metrlik tireýmen nyǵaitý jumysy aiaqtaldy.
«Shyǵys jaǵyn qarashanyń sońynda bitiremiz, jalpy barlyq jumystar aiaqtalady. Osy aimaqta ornalasqan 250-ge jýyq turǵynnyń qaýpi seiiletin bolady»,- dedi ákim.
